Основното јавно обвинителство отвори предмет за финансиски криминал, Заевци, Крмзови и кој се ќе се соочи со правдата?
Заради докажување на основите на сомневање за сторување на наведените кривични дела, на барање на предметниот јавен обвинител, судија на претходна постапка при Основен кривичен суд Скопје издаде наредби за претрес на дом и други простории на повеќе локации во повеќе градови, соопшти Основното јавно обвинителство за гонење на организиран криминал и корупција.
Основното јавно обвинителство за гонење на организиран криминал и корупција оформи предмет поради основи на сомневања за сторени кривични дела од областа на финансискиот криминал, односно за „даночно затајување“, „даночна измама“ и за „перење пари и други приноси од казниво дело“ на група субјекти.
Како што информираат од ОЈО, предметот е оформен по доставено известување од страна на Министерството за внатрешни работи за сознанија до кои дошла Управата за јавни приходи.
„Заради докажување на основите на сомневање за сторување на наведените кривични дела, на барање на предметниот јавен обвинител, судија на претходна постапка при Основен кривичен суд Скопје издаде наредби за претрес на дом и други простории на повеќе локации во повеќе градови“, соопшти Обвинителството.
Оттаму дополнуваат дека полициски службеници, службени лица од Управата за јавни приходи, координирано со истражители од Лабораторијата за дигитална форензика при Истражниот центар на ОЈО ГОКК, при претресите обезбедиле бројна документација и електронски записи што ќе бидат предмет на обработка и на анализа со цел обезбедување материјални докази за потребите на водењето на понатамошната кривична постапка.
„Претресите сè уште се во тек. Со оглед дека станува збор за предистражна постапка која според закон е тајна, јавноста навремено ќе биде информирана за поединости што нема да ја нарушат постапката“, се дополнува во соопштението.
