МИЦКОСКИ Е ПРЕМИЕР, избрана 20 влада на Македонија, предводена од ВМРО-ДПМНЕ

Мнозинството на пратеници во Собрание дадоа зелено светло за предлог Владата предводена од Христијан Мицкоски. По вечерашното гласање, тој е нов премиер на Македонија

Христијан Мицкоски е 13-ти премиер, а ова е 20-та влада од осамостојувањето на земјата.

Новата влада беше избрана со 77 за, 22 против, воздржани нема.

По изборниот резултат на 8 мај, првиот човек на ВМРО-ДПМНЕ ги избра коалицијата ВЛЕН и Движењето ЗНАМ за владини партнери.

Новата влада ќе има 4 министерства повеќе од сегашната. Владата на „Мицкоски“ ќе има 5 вицепремиери, од кои еден прв вицепремиер. ВМРО-ДПМНЕ ќе води со 15 ресори, 6 министерства се на ВЛЕН и 2 на ЗНАМ.

Министрите на ВМРО ДПМНЕ

Владо Мисајловски, министер за одбрана

Тимчо Муцунски, министер за надворешни работи и трговија

Панче Тошковски, министер за внатрешни работи

Александар Николовски, министер за транспорт – вицепремиер

Иван Стоилковиќ, министер за односи меѓу заедниците – вицепремиер

Гордана Димитриеска Кочовска, министер за финансии

Сања Божиновска, министер за енергетика

Цветан Трипуновски, министер за земјоделство

Весна Јаневска, министер за образование и наука