МАРИЧИЌ НА МЕСТОТО НА ГРУБИ ВО ТЕХНИЧКАТА ВЛАДА, СДСМ РЕШИЛЕ ДА ИЗГОРАТ ДО КРАЈ СО ОВАКВИ ДОМУСИ НИ НА КУЌЕН СОВЕТ НЕМА ДА ГИ ИЗБЕРАТ
Во техничката влада која треба да ја предводи Талат Џафери, а која Собранието треба да ја избере в недела на 28 јануари, актуелниот вицепремиер за евроинтеграции Бојан Маричиќ ќе биде прв вицепремиер задолжен за европски прашања, додека Артан Груби останува вицепремиер и министер за политички систем и односи меѓу заедниците.
Маричиќ, пак, според најавите, ќе остане и заменик-претседател на Владата за европски прашања, позиција на која е во овој момент.
Ова, како што брифираат извори од власта, е дел од политичкиот договор меѓу СДСМ и ДУИ во пресрет на формирањето на преодната влада за организација на изборите.
Како што дознаваме, во техничката влада ќе нема промена на министрите, односно освен министрите за внатрешни работи и за труд и социјала и дополнителните заменици министри во ресорите финансии, информатичко општество, земјоделство, кои доаѓаат од опозициската ВМРО-ДПМНЕ, останува актуелниот владин состав.
ВМРО-ДПМНЕ синоќа на седница на Извршниот комитет ги утврди кандидатите за министри и дополнителни заменици министри.
За министер за внатрешни работи е предложен Панче Тошковски, актуелен претседател на правната комисија на ВМРО-ДПМНЕ и долгогодишен адвокат.
За нов дополнителен заменик министер за финансии е предложена Елена Петрова, висок професионалец во областа на финансиите. Ѓоко Велковски е нов предлог за кандидат за министер за труд и социјална политика.
За нов дополнителен заменик министер за информатичко општество и администрација е предложен Стефан Андоновски, досегашен меѓународен секретар на партијата и советник во Советот на Град Скопје.
Цветан Трипуновски за дополнителен заменик министер за земјоделство, шумарство и водостопанство.
